وحشتينى ياحبيبتى

وحشتينى

يا نور عينى
وحشنى حضنك الدافى
يا عمرى الجاى وسنينى
وحشنى خصامك الوردى
وكلمة صلح ترضينى
اخاصمك آة واقول ابعد
يجيبنى شوقى وحنينى
اعاند فيكى ايامى تعندينى
حلاوة روح
والاقيكى بطيب قلبك تسمحينى
وارضى غرورى بالثورة على سكوتك
الاقى عيونك السارحة تنادينى
والاقيكى مابين رمشك الدافى
ونن العين حضنتينى
اثور تانى ما بين عتاب رضا وغرور
يلف الدور والاقينى بستسلم
لرمش حرير مغطينى
وترضى جموحى وحنانك
يراضى غرورى يرضينى
دفا ايدك يطفى الثورة فعروقى
والاقيكى ملكتينى
وبكفوفك تحاوطينى
تصحى رجولتى جوايا
ومن تانى تعيدى فيا تكوينى
الاقى فيكى اشعارى وفلسفتى
واحساسى بترانيمى
واقوم اطبع على خدودك دواوينى
وارسم شعرى بشفايفى
قصايد شوق بتكوينى
ولا تخافى الحروف تجرح جمال خداك
ولا تخافى البيوت ترعشها اوصالى
تقوم تخدش شرايينك
ولا تخافى القلم يغدر والاقيكى حسمتى الامر من بدرى
وبرموشك حضنتينى
كانك عارفه جوايا
كانك حافظة تكوينى
واتاريكى غلبتينى
باحساسك بالامان بيا وانا معاكى
وانا حاسك حبيبتى وبنتى والدنيا
وضنى عينى
ما بين شعرى وحرير شعرك
حب مطلعها قصايد
وحشتينى

8 / 2 / 2008
البرنس >>>>>>>> رامـــــــى